കലികാലം .....

കാലം കലികാലം 

കണ്ടാലാര്‍ക്കും  കലിവരും

ചെയ്തികളുടെ കലികാലം 

തല തിരിഞ്ഞോരു കൂട്ടം 

കോമരങ്ങള്‍ വാഴും കാലമിത് 

ഇത് കാലം കലി കാലം .

    ഇന്നലെ പെയ്തോരുമഴക്ക്‌

    നിറം ചുവപ്പത്രേ 

    വിഷപുകശ്വസിച്ച മഴദേവന്‍ 

    ചോര ശര്‍ദ്ധിച്ചതാന്നുപോലും.

    ഒരു കാജാബീഡി വലിച്ചതും

    പുകക്കാരനാം 

    ബോബ്മാര്‍ലിക്കാസ്ത്മയത്രെ .

ആയിരമായിരം ചോരച്ചാലുകള്‍ 

നീന്തിയ ചെഗുവേര,

ഉറുമ്പ്‌ കടിയേറ്റതും ബോധംപോയതും 

ഇതേ കലികാല വേദിയില്‍ .

    ചോരയൊലിക്കുന്ന ശരീരങ്ങളെ 

    യുടുബിലിടുന്നതും 

    മാലോകര്‍ ഇതുകണ്ട് രസിക്കുന്നതും 

ഈ കലികാല നടന വേദിയില്‍ .

പതിനാറായിരത്തൊന്നു കെട്ടിയ 

ഭഗവാന്‍ കൃഷ്ണനു സമന്സയച്ചതും

ഈ കലികാല കോടതി.

ഭൂമിയില്‍ നിന്നു വിട്ട 

റോക്കറ്റു  പതിച്ച് 

സൂര്യനൊരുപിടി ചാരമയതും 

ചന്ദ്രേട്ടന്‍ ചന്ദ്രനില്‍ ചായക്കട തുടങ്ങിയതും 

തുഞ്ചന്റെ മണ്ണില്‍ മന്ഗ്ലിഷിന്‍ 

വിത്ത് വിതച്ചതും ഈ കാലത്തില്‍.

വെറുമൊരു കാലമല്ലിത് 

കാലന് പോലും വേണ്ടാതോരാ

മനുഷ്യന്‍ വാഴും കാലമിത് 

ഈ കാലമത്രെ കലികാലം .